lankahotnews.org
ශ්‍රී ලංකා රජය විසින් රුපියල අවප්‍රමාණය කිරීමට ගෙන ඇති තීරණය ආර්ථික ක්ෂේත්‍රයේ සුබවාදී බලාපොරොත්තු ඇතිකරනු ඇති බව ජාත්‍යන්තර මූල්‍ය අරමුදල පවසයි.
මෙමගින් ශ්‍රී ලංකාවට භාණ්ඩ අපනයනයේදී තරගකාරිත්වය තුළින් වාසිදායක තත්ත්වයක් උදාකරදෙනු ඇතිවාක් මෙන්ම සංචිත සාමාන්‍ය මට්ටමෙන් ඔබ්බට ආරක්ෂාකාරීවනු ඇති බවට ජාත්‍යන්තර මූල්‍ය අරමුදලේ ශ්‍රී ලංකාවේ නේවාසික නියෝජිත කෝසි මතායි මහතා පවසා ඇත.
මෙම තීරණය ශ්‍රී ලංකාව විසින් ගනු ලැබූ නිවරදි තීරණයක් බවත්,එය අපනයන තරගාකාරිත්වයට බොහෝ සහායවනු ඇති බවත් කෝසි මතායි මහතා වැඩිදුරටත් පවසා තිබේ.
ජනාධිපති මහින්ද රාජපක්ෂ මහතා විසින් පසුගියදා පාර්ලිමේන්තුවට ඉදිරිපත් කරන ලද 2012 අයවැය තුළින් වහා ක්‍රියාත්මත වන පරිදි රුපියලේ අගය 3% න් අවප්‍රමාණය කළ යුතු බවට යෝජනා කර ඇත. ආණ්ඩුවේ මතය මෙවර අයවැයෙන් රුපියල බාල්දු කිරීමක් නොකළ බවත්,විදේශ මුදලට සාපේක්ෂව දේශීය මුදල් ඒකකය ගැලපීමක් පමණක් කළ බවත්ය. කෙසේ නමුදු IMF එලිපිටම රජයේ ගමන් මග වර්ණනා කරමින් සිටී
